CAPA 2027

Fan Zhang, barna- og fjölskyldusálfræðingur, kennir CAPA á Íslandi í annað sinn.

Tengslamat býður upp á vandað og ítarlegt námskeið í Child Attachment and Play Assessment (CAPA) í apríl 2027.

Fan Zhang, barna- og fjölskyldu-sálfræðingur, kemur þá aftur til Íslands til að kenna námskeiðið, eftir að hafa hlotið afar góðar viðtökur þegar hún kenndi CAPA hér á landi síðast.

Sjá nánar

Námskeið á haustönn 2026

Námskeið

Námskeið fyrir fagfólk sem
starfar með börnum

Námskeiðið er sniðið að þörfum einstaklinga sem koma að
starfi með börnum.

Sjá nánar

Þjónusta

Námskeið fyrir félagsráðgjafa

Námskeiðið er sérsniðið að þörfum félagsráðgjafa sem starfa með börnum og fjölskyldum.

Sjá nánar

Þjónusta

Námskeið fyrir
starfsmenn barnaverndar

Á námskeiðinu er farið yfir hvernig hægt sé að ná betri yfirsýn og gerðar tillögur að breyttri nálgun í vinnu með barn/börnum og umönnunaraðilum

Sjá nánar

Um Tengslamat

Tengslamat sérhæfir sig í einstaklings-, para- og fjölskylduviðtölum, umsjón með umgengni undir eftirliti og tengslamötum. Fyrirtækið veitir jafnframt ráðgjöf, fræðslu og þjálfun fyrir fagfólk sem starfar með börnum og fjölskyldum. Þá sinnir Tengslamat rannsóknum á tengslum og tengslahegðun með það að markmiði að auka skilning á því hvernig samskipti og tengsl móta líðan, þroska og hegðun einstaklinga.

Djúp og varanleg tilfinningatengsl eru mikilvægur grunnur að vellíðan og farsælu lífi. Til þess að öðlast heildstæðan skilning á einstaklingi er því nauðsynlegt að horfa til þeirra tengsla og þess umhverfis sem hann hefur mótast í. Reynsla úr frumbernsku, tengsl við umönnunaraðila og fyrri lífsreynsla geta haft varanleg áhrif á það hvernig einstaklingur upplifir sjálfan sig, aðra og heiminn í kringum sig.

Tengslahegðun verður því ekki skilin ein og sér. Hún verður alltaf til í samspili einstaklinga og þeirra tengsla sem þeir eiga við aðra. Með því að skoða þetta samspil má öðlast dýpri skilning á þörfum einstaklinga, styrkleikum þeirra og þeim áskorunum sem geta komið upp í nánum samskiptum.